اپني مشکلات بتائيں -

صفحہ اول ويب سائٹ ہم سے رابطہ زائرين کا ريکارڈ

فتوے -: روزے دار كا بواسير وغيرہ كے ليے مرہم اور كريم استعمال كرنا - فتوے -: کسی شخص نے فجرکے بعد یہ گمان کرکے کہ ابھی اذان نہیں ہوئی سحری کھا لی اس کا کیا حکم ہے؟۔ - فتوے -: چاند ديكھنے كا حكم - فتوے -: سيكسى سوچ كے نتيجہ ميں منى كا انزال ہونے سے روزہ باطل ہو جائيگا؟۔ - فتوے -: روزے كى حالت ميں ناك كے ليے سپرے استعمال كرنا - نخلستان اسلام -: فصل کاٹنے کا وقت قریب آگیا - نخلستان اسلام -: نجات کی کشتی قریب آگئی -

ووٹ ديں

مغرب کی اسلام دشمنی کے اسباب میں سے ہے؟
اسلام اور مسلمانوں سے نفرت
صحیح اسلام سے عدم واقفیت
تطبیق اسلام کی صورت میں غیراخلاقی خواہشات پر پابندی
تمام سابقہ اسباب

سابقہ را? عامہ

اپني مشکلات بتائيں -

میں اپنی بیوی کی آنکھوں میں محبت کی جھلک دیکھتا ہوں لیکن وہ کبھی اس کا اظہار نہیں کرتی

آپ کي الجھنيں

جب ہم نے ازداوجی زندگی میں قدم رکھنے کا فیصلہ کیا اور اس کے لئے تیاریاں کرنے لگا، ہم نے ایک لڑکی سے شادی کرنے کے لئے اسے پیغام بھیجا، پیغام بھیجنے سے پہلے ہم نے اس میں اور اس کی فیملی میں وہ کچھـ دیکھا جو اللہ کو پسند ہے، اور یہ حالت شادی کے لئے پیغام دینے والے ہرایک شخص کو بھی پسند آسکتی ہے۔ بہرکیف شادی کے بعد ہمارے درمیان بہت سارے اختلاف پیدا ہوگئے، کیونکہ ہم نے یہ دیکھا کہ وہ میرے ساتھـ بہت ہی سنگدلی کے ساتھـ پیش آتی ہے، وہ میرے ساتھـ کبھی اچھائی کے ساتھـ پیش نہیں آتی، میں یہ بھی نہیں جانتا کہ وہ مجھـ سے پیار و محبت کرتی بھی ہے یا نہیں۔ میں اس بات کا انکار بھی نہیں کرتا کہ وہ کبھی کبھی میرے ساتھـ بہت ہی اچھا رویہ اپناتی ہے لیکن میں اس کے اندرکوئی شرعی یا غیرشرعی غلطی برداشت نہیں کرسکتا ہوں، میری یہ بھی عادت ہے کہ میں اس سے سرزد ہونے والی ہر چھوٹی بڑی غلطی پراسے سرزنش کرتا ہوں، حالانکہ میں اسے دل و جان سے چاہتا بھی ہوں اور میں یہ چاہتا ہوں کہ وہ بھی ہم سے دل کھول کر پیار کرے جو میں سدا اس کی آنکھوں میں دیکھتا ہوں، لیکن وہ اس کا کبھی اظہار نہیں کرتی ہے۔ ہمارے درمیان الجھنوں کا سلسلہ جاری ہے اور خاص طور پر جب میں اس سے دور رہتا ہوں یا وہ خود مجھـ سے دور رہتی ہے۔ وہ میرے ساتھـ معاملہ کرنے میں بدگمانی سے کام لیتی ہے اور وہ یہ گمان کرتی ہے کہ میں اس سے محبت نہیں کرتا ہوں حالانکہ میں اسے بےتحاشا چاہتا ہوں۔ اسی طرح سے میں بھی یہ گمان کرتا ہوں کہ وہ مجھـ سے پیار نہیں کرتی ہے، میں نے بارہا طلاق دینے کے بارے میں بھی سوچا کیونکہ وہ زبان کی بہت تیزہے، میں ہی جلدی سے نرمی پر اترآتا ہوں، میں اس کے ساتھـ زندگی گزارنا چاہتا ہوں، میں اس سے پیار بھی کرتا ہوں اور یہ چاہتا ہوں کہ وہ بھی مجھـ سے پیار کرے، لہذا میں کیا کروں؟ اور اس الجھن کا علاج کیسے کروں؟

جواب فراہم کرنے والے

استاذہ/ سمیرہ خلیل پرنسپل جامعہ اسکندریہ

جواب

پیارے بیٹے: السلام علیکم ورحمۃ اللہ وبرکاتہ۔

جماعت اسلامی کی ویب سائٹ پر بیٹے ایک مہمان کی حیثیت سے آپ کا خیرمقدم ہے، ہم ساتھـ ہی رب ذوالجلال سے اس کی امید کرتے ہیں کہ اس ویب سائٹ کے بارے میں آپ حسن ظن رکھتے ہیں، ہم لوگ انشاء اللہ ایک ساتھـ اس نتیجہ پر پہنچیں گے جس سے آپ کے دل کو بھی اطمینان و سکون حاصل ہوگا اور ازداوجی سعادتمندی بھی نصیب ہوگی۔

وبعد!

پیارے بیٹے:

آپ نے ویب سائٹ کو جو کچھـ لکھا ہے اس سے واضح ہوتا ہے کہ آپ سعادتمندی اور خوشحالی تلاش کررہے ہو، لیکن شاید آپ کو معلوم نہیں کہ ہم اس صورت میں اور بھی زیادہ خوشحال رہ سکتے ہیں جب ہم اپنی شریک حیات کے سامنے اپنے جذبات کا اظہار اور زیادہ کھل کر اور صدق دل سے کریں، بلکہ ہم اس وقت اور بھی زیادہ خوش نصیب ہوسکتے ہیں جب ہم اپنے اندر سے انانیت اور کبروغرور کو نکال پھینکیں، اپنے اور اس شخص کے درمیان جس سے ہم پیار کرتے ہیں تمام رکاوٹوں کو ہٹا دیں، نہ کہ ہم ان کی غلطیوں کی تاک میں رہیں، اس پر نکتہ چینی کریں اس کو درگزر نہ کریں۔

شادی ہی وہ ایک ایسا مقدس رشتہ ہے جو مرد اور عورت کو پیار و محبت کی لڑی میں پرو کر دونوں کو یکجا کردیتا ہے، وہ ہمیشہ قائم و دائم رہنے والا رشتہ ہے جب اس کی بنیاد اس آیت کی روشنی میں رکھی گئی ہو، ارشاد باری تعالی ہے (وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً) (الروم:21)۔ (اور اس کی نشانیوں میں سے ہے کہ تمہاری ہی جنس سے بیویاں پیدا کیں تاکہ تم ان سے آرام پاؤ اس نے تمہارے درمیان محبت اور ہمدردی قائم کردی)۔

میں یہ کہنا چاہوں گی کہ اگر ہم اس آیت کریمہ میں غور کریں تو ہم یہ دیکھیں گے کہ اللہ رب العالمین نے خوشحالی کے تمام وسائل و ذرائع کو بالکل واضح کردیا ہے جو ایک ساتھـ رہنے میں پنہاں ہے اور شادی کے نتیجہ میں حاصل ہوتا ہے، وہ ہے نفس کا اطمینان و سکون حاصل کرنا۔ جیسا کہ آیت کریمہ نے پیار و محبت اور رحمت کا ذکر کیا جو اللہ رب العالمین نے دونوں (میاں بیوی) کے درمیان بنائے ہیں، جو فریقین کی طرف سے ایک دوسرے کے لئے پیار و محبت، نرمی، خاکساری، رحم، رواداری، کشادہ دلی، صبر، غصہ پر قابو پانا غیظ و غضب کو پی جانا اسی پر اکتفاء نہیں بلکہ بے پایاں ایک دوسرے کوعنایت کرنے کی شکل و صورت میں ظاہر ہوتے ہیں۔

اللہ رب العالمین نے وہ اسباب و ذرائع جس پر مسلمان فیملی کی بنیاد ہوتی ہے اس کا مطالبہ ایک فریق کو چھوڑ کرکے صرف دوسرے فریق سے ہی نہیں کیا بلکہ آیت کریمہ نے "لکم" (یعنی تمہارے لئے)، "بینکم" (یعنی تمہارے درمیان) جیسے الفاظ کا استعمال کیا جو اس بات پر دلالت کرتی ہیں کہ پیار و محبت، رحم و کرم دونوں طرف سے ہوتا ہے، اور اس کے بدلے جنم لینے والی سعادت و خوشحالی بھی دونوں کے لئے ہے ایسا نہیں کہ یہ خوشحالی ایک کو نظرانداز کرتے ہوئے صرف دوسرے کے لئے مہیا کی گئی ہو۔

پیارے بیٹے میں آپ کے اندر یہ احساس کررہی ہوں کہ آپ یہ چاہتے ہیں کہ آپ کی بیوی ایک مثالی بیوی ہو جو آپ کے ساتھـ اچھا معاملہ کرے، آپ کو اس قدر پیار و محبت دے جس قدر آپ چاہتے ہو، آپ یہ بھول جاتے ہو کہ ایک عورت بھی یہ چاہتی ہے کہ اس کا شوہر بھی پیار و محبت اور رواداری کا ایک نمونہ ہو، اس کی ساری کوشش یہی نہ ہو کہ وہ شب و روز غلـطیـوں کی تاک میں لگا رہے اور اس طــرح کی لـغــزشوں کو نظرانــداز نہ کرے۔

پیارے بیٹے:

آپ نے ویب سائٹ کو جو کچھـ لکھا ہے آئیے ہم ایک ساتھـ ان سطروں کو دوبارہ پڑھتے ہیں، اور ایک ساتھـ دونوں اس پر بحث و مباحثہ کرتے ہیں، ازداوجی زندگی میں پائے جانے والے بعض وہ اسباب جس کا آپ نے اپنے استفسار میں تذکرہ کیا ہے ان کی ہم ایک ساتھـ نشاندیہی کرتے ہیں:

پہلا: یہاں آپ کی بعض باتوں میں ہی تضاد پایا جارہا ہے جیسے کہ آپ کہ یہ کہنا "وہ میرے ساتھـ بہت ہی سنگدلی کے ساتھـ پیش آتی ہے" اور آپ کا یہ بھی کہنا "وہ کبھی کبھی میرے ساتھـ بہت ہی اچھا رویہ اپناتی ہے"۔ پیارے بیٹے پہلے آپ اپنے دل سے سوال کرو کہ وہ کیوں آپ کے ساتھـ اچھائی کے ساتھـ پیش آتی ہے، اور کبھی آپ کے خلاف کیوں اس قدر سنگدلی پر اتر آتی ہے؟ اس کے مـزاج میں جو کچھـ تبدیلی آئے دن ہوتی رہتی ہے کہیں ایسا تو نہیں کہ اس تبدیلی کے پیچھے آپ ہی کا ہاتھـ ہو یعنی آپ کا اس کے ساتھـ معاملہ کرنے کا رویہ ہی کچھـ ایسا ہو۔

بسا اوقات آپ کے ساتھـ اس کی بے رخی و سنگدلی آپ ہی کے ردفعل کا نتیجہ ہو، کیونکہ جیسا کہ آپ ہی نے بتلایا کہ وہ اس بات میں شک کرتی ہے کہ آپ اس سے محبت کرتے ہو یا نہیں، عورت جیسا کہ ہم سبھی لوگ اس بات کو جانتے ہیں کہ ایک ضعیف و ناتواں مخلوق ہے جو ہمیشہ کسی کے سہارے کی محتاج ہوتی ہے۔

ہاں یہ بات سچ ہے کہ عورت ہمیشہ کسی مخلص دوست اور اسے چاہنے والے کی محتاج ہوتی ہے تاکہ وہ اس کی پناہ حاصل کرسکے، اور بیوی ہمیشہ یہ چاہتی ہے کہ اس کا شوہر ہی وہ مخلص دوست اور اسے چاہنے والا ہو۔

اسی طرح سے میاں بیوی کے درمیان باہم پیار و محبت جو ہر طرح صبر، آپسی تفاہم، جذبات اور ایک دوسرے کی مدد پر مبنی ہوتی ہے یہی دونوں کے اندر ابتدائی تعلقات کی ضامن ہوتی ہے۔

کیا آپ اپنی اس بیوی کے حق میں وہ مخلص دوست اور اسے چاہنے والے شخص ہو جس بیوی نے آپ کے لئے اپنے ہی باپ کے اس گھرکوخیرباد کہہ دیا جہاں وہ خود پلی بڑھی اور وہاں کی پیار و محبت کو خیرباد کہتے ہوئے آپ کے گھر چلی آئی وہ بھی یہ سوچ کر کہ ایک رفیق سفر، محبوب اور سچا دوست پاسکے؟

دوسرا: آپ نے یہ بتلایا کہ آپ اس سے پیار کرتے ہو اور یہ چاہتے ہو کہ وہ بھی آپ سے پیار کرے، پھر آپ نے یہ بتلایا کہ آپ اس کی آنکھوں میں پیار دیکھتے ہو لیکن وہ (بیوی) اس پیار کا اظہارعام طور پر آپ کے سامنے نہیں کرتی ہے۔

آپ کے ان الفاظ سے میں دیکھـ رہی ہوں کہ آپ نے اس عورت کو بھلادیا جس کی تربیت ایک اچھے مسلم گھرانے میں ہوئی جو لڑکی شرم و حیاء کا پیکر ہے، اور عادتا وہ اپنے پیار کا اظہار آسانی کے ساتھـ الفاظ میں نہیں کرسکتی ہے بلکہ اپنے پیار کا اظہار شوہر کے ساتھـ اپنے ناز نخروں، حرکتوں اور سلوک وبرتاؤ سے کرے گی۔

جب آپ کو اس کی آنکھوں میں یہ کیفیت نظر آئے تو پھر آپ اس کے سامنے پیار و محبت کا اظہار کرکے اسے اپنے قریب لانے کی کوشش کرو تاکہ اگردونوں کے درمیان کسی طرح کی رکاوٹ ہو تو وہ ازخود دور ہوجائے، اور پھراس وقت بیوی کی سچی محبت کا لطف لے کردیکھو جس محبت پر شرم و حیاء نے آپ کے سامنے قدغن لگا رکھی تھی۔

تیسرا: آپ نے یہ بھی بتلایا کہ "وہ میرے ساتھـ بہت ہی سنگدلی کے ساتھـ پیش آتی ہے، وہ میرے ساتھـ کبھی اچھائی کے ساتھـ پیش نہیں آتی"، پھر آپ نے یہ بھی بتلایا کہ "میں اس کے اندرکوئی شرعی یا غیرشرعی غلطی برداشت نہیں کرسکتا ہوں، میری یہ بھی عادت ہے کہ میں اس سے سرزد ہونے والی ہر چھوٹی بڑی غلطی پراسے سرزنش کرتا ہوں، حالانکہ میں اسے دل و جان سے چاہتا بھی ہوں"۔ بیٹے ضروری ہے کہ میں یہاں آپ کے ایک ایک لفظ پر غور کروں، میں آپ سے یہ کہتی ہوں کہ آپ اس کے ساتھـ اس طرح کا سلوک کیسے کرتے ہیں؟!، آپ دونوں کے لئے یہ ضروری ہے کہ آپ دونوں طبیعت اور مـزاج کے اختلاف کو بھی مدنظر رکھو، رواداری کہاں گئی؟ معاف کردینے کی صفت کہاں ہے؟!، وہ بیوی اس رحم وکرم کا احساس کہاں سے کرے گی جو ضروری تھا کہ آپ دونوں کے درمیان پایا جائے جبکہ آپ کا حال یہ ہے کہ آپ اس کی ہرہرغلطی پر سرزنش کرتے پھرتے ہو؟!۔

بیٹے آپ کے لئے ضروری ہے کہ آپ اس کو زندگی کے آداب سکھلاؤ، آپ کے لئے ضروری ہے کہ آپ اپنی محبت کا اس کے سامنے اظہار کرو، اس کا اہتمام کرو، اس کے ساتھـ ہی ساتھـ آپ کے ساتھـ اس کے غیرمناسب اسلوب میں بات کرنے اور آپ کے ساتھـ برتاؤ کرنے میں اس کی طرف سے بیہودہ اور غیرمناسب باتوں کو مکمل طور پر رفض کرو، بلکہ آپ اس بات کی بھی کوشش کرو کہ عورت کی فطرت کی طرف آپ بھی مائل ہوجایا کرو وہ یہ کہ عورت ایسے ہمیشہ دومیٹھے بول سننے کی دلدادہ ہوتی ہے جس سے یہ ظاہر ہو کہ آپ اس سے بہت زیادہ پیار و محبت کرتے ہو، اس طرح کی باتیں عورتوں کو بہت زیادہ بھاتی ہیں۔

میں آپ کو بھی ایک بات گوش گزار کرنا چاہتی ہوں وہ یہ کہ آپ کے لئے بھی ضروری ہے کہ جب اس کے ساتھـ پیار و محبت والا معاملہ کرنے کے بعد بھی اس کی طرف سے ناشکری دیکھو تو ایسی صورت حال میں اس کو سزا دو، اس سے دور ہوجاؤ لیکن اسی گھر میں رہو، اس کو نظرانداز کرو، لیکن اسے کے حق میں سخت سست الفاظ کہہ کرجو بسا اوقات اس پر گراں گزر سکتے ہیں اسے ایذا نہ پہنچاؤ۔ جیسا کہ کسی نصیحت کرنے والے شخص نے کسی کو نصیحت کی اور اس سے کہا کہ اپنی بیوی کی سرکشی پر لگام لگاؤ بایں طور پر کہ اس کے لئے اسپنج بن جاؤ، اپنی بیوی کے غیظ و غضب کو اس قدر پی جاؤ یہاں تک کہ وہ آپ پراترانے کی کوشش نہ کرے، اس کے لئے اس محبوب کی طرح ہوجاؤ جو"کنکرپتھرتو نگل سکتا ہے لیکن بیوی سے غلط بات کی امید نہیں کرسکتا"۔

آخری بات: یہ جان لو کہ آپ کی بیوی کے لئے آپ کی محبت اور آپ کا اس کی اہانت نہ کرنا یہ سب سے افضل ترین ذریعہ اور وسیلہ ہے جو اس کو اس بات پر مجبور کردے گی کہ وہ آپ سے محبت کرے، آپ کا احترام کرے۔ عورت ہمیشہ اس کی ضرورتمند ہوتی ہے کہ کوئی اس کی قدر کرے، اس کے نسوانی وجود سے چھیڑچھاڑکئے بغیر اس کی پریشانیوں کو حل کرنے میں اس کی مدد کرے، اسی طرح سے میں آپ سے یہ بھی کہتی ہوں کہ آپ اور آپ کی بیوی کے درمیان خلیج لمبی نہ ہونے پائے یہاں تک کہ آپ دونوں کے اندر سے محبت چلتا بنے۔

آپ کا یہ کہنا ہے کہ جب آپ اس سے دور رہتے ہیں یا وہ آپ سے دور رہتی ہے تو اس صورت میں الجھنیں مزید بڑھ جاتی ہیں!!!، اس دوری کا جواز اور نتیجہ کیا ہے سوائے اس کے کہ آپ دونوں کے تعلقات سرد پڑچکے ہیں۔

اسی طرح سے دور رہنے سے جو الجھنیں مزید بڑھتی ہیں یہ اگر کسی چیز پر دلالت کرتی ہے تو وہ یہ ہیں کہ آپ دونوں کو ایک دوسرے کی سخت ضرورت ہے، میں آپ کو اس کی بھی نصیحت کرتی ہوں کہ آپ بھی صبر سے کام لو، اور کوئی بھی قرار جو آپ کی ازدواجی زندگی سے متعلق ہو اس میں جلد بازی سے کام نہ لو، اور اس قدر سادہ لوحی کے ساتھـ طلاق کے بارے میں بھی نہ سوچو۔ کیونکہ سب سے پہلے آپ پر یہ ضروری ہے کہ آپ اصلاح کرنے کی کوشش کرو یہاں تک کہ (اللہ نہ کرے) زندگی اجیرن ہوجائے، اور آپ کے سامنے ابغض الحلال (یعنی طلاق) کے سوا اور کوئی چارہ کار نہ رہ جائے۔

ان تمام باتوں سے پہلے تنہائی میں بیٹھو، اور اس کے ساتھـ اپنے سلوک و برتاؤ کی اصلاح کرنے کی کوشش کرو، اور اس بات کو یقینی بنالو کہ جن مشکلات سے آپ دوچار ہو ان سب کی جڑ وہی اکیلی ہے آپ نہیں، ایسا اس لئے کہ آپ اپنے ہی پیر میں کلہاڑی نہ مارلو اور ناکام ہوجاؤ، اور ان سب کی وجہ آپ خــود ہوجـاؤ حالانـکہ آپ کـو اس کا پتہ بھی نہ ہو۔

آپ کے ساتھـ اس گفتگو کے آخر میں، میں اللہ رب العالمین سے یہی دعاء کرتی ہوں کہ وہ آپ دونوں کے دلوں میں ایک دوسرے کی محبت ڈال دے اور خوشحال ازدواجی زندگی گزارنے کی توفیق دے (آمین)۔

ضروری ہدایات:-

جس شخص کے پاس بھی کوئی دوسری نصیحت ہو یا اس مسئلے کا کوئی اور حل ہو یا کسی طرح کی کوئی پریشانی ہو یا اس مسئلے کو حل کرنے کا کوئی دوسرا تصور بھی ہو، تو برائے مہربانی وہ لوگ "اپنا تبصرہ" میں ضرور لکھیں۔ تاکہ یہ ویب سائٹ اثرپزیر ہوسکے اور اس اہم باب میں اضافہ ہوسکے اور یہ مزید ترقی کرسکے۔

وجـــزاکـــم الـلـھ خــــــیــــــرا۔

ويب سائٹ کي خدمات